ވިލާ ކޮލެޖު ގަމު ކެމްޕަހުގައި މާސްޓަރ އޮފް އެޑިއުކޭޝަން އިން ޓީޗިން ހެދުމުގެ ފުރުސަތު

ވިލާ ކޮލެޖުގެ 2024 ވަނަ އަހަރުގެ ޖެނުއަރީ އިންޓޭކްގެ ޕްރޮގްރާމްތަކަށް އެޕްލައި ކުރުމުގެ ފުރުސަތު މިހާރު ވަނީ ހުޅުވާލެވިފައެވެ. މި އިންޓޭކުގައިވެސް 150 އަށް ވުރެ ގިނަ ދާއިރާއިން މަތީ ތަޢުލީމު ޙާޞިލްކުރުމުގެ ފުރުޞަތު ވިލާކޮލެޖުން ވަނީ ހުށަހަޅާފައެވެ.

 

އެގޮތުން ވިލާކޮލެޖު ގަމު ކެމްޕަހުގައި ހިންގުމަށް ރާވާލެވިފައިވާ ޕްރޮގްރާމްތަކުގެ ތެރެއިން މި އިންޓޭކުގައި އެންމެ ފާހަގަ ކޮށްލެވޭ އެއް ޕްރޮގްރާމަކީ ފެކަލްޓީ އޮފް އެޑިއުކޭޝަނަލް ސްޓަޑީޒްގެ މާސްޓަރ އޮފް އެޑިއުކޭޝަން އިން ޓީޗިންގ  ޕްރޮގްރާމެވެ. އިނގިރޭސިބަހުން ކިޔަވައިދޭ މި ކޯހަކީ 1 އަހަރު ދުވަހުގެ ކޯހެކެވެ. 

މިއީ މިވަގުތު ޓީޗަރުންގެ ގޮތުގައި މަސައްކަތްކުރައްވާ ޓީޗަރުންނަށް އަމާޒުކޮށްގެން ކުރިޔަށްގެންދާ ޕްރޮގްރާމެކެވެ. މިކޯސ ނިމިގެންދާއިރު އަމަލީިގޮތުން ދިރާސާއެއްކޮށް ޑިޒަރޓޭޝަނެއް ހުށައަޅަންޖެހޭނެއެވެ. އޭގެ ސަބަބުން ކިޔަވައިދިނުމުގައި ނުވަތަ ތަޢުލީމާ ބެހޭ ކަންކަން މެނޭޖްކުރުމުގައި ދިމާވާ މައްސަލަތައް ދެނެގަނެވި އެކަން އެހެން ފަރާތްތަކާ ހިއްސާކުރުމުގެ ފުރުޞަތު ދަރިވަރުންނަށް ލިބިގެންދާނެއެވެ.

ޖެނުއަރީ އިންޓޭކުގައި ފެށޭ ކޯސްތަކުގެ މައުލޫމާތު ވިލާކޮލެޖުގެ ވެބްސައިޓް www.villacollege.edu.mv އިން ލިބެން ހުންނާނެއެވެ. އިތުރު މައުލޫމާތު ވިލާކޮލެޖު ގަމު ކެމްޕަހުގެ ނަންބަރު 7980445 އަށް ގުޅުއްވައިގެން ނުވަތަ ވައިބާރ ކޮށްލައްވައިގެންވެސް ހޯދާލެވޭނެއެވެ.