13 މެމްބަރުންނާއެކު މައިނޯރިޓީ ޕާޓީއަކަށް ޕީއެންސީ

މަޖިލީހުގެ 13 މެމްބަރަކު ޕީއެންސީއަށް ގުޅިވަޑައިގަތުމާއެކު މަޖިލީހުގެ މައިނޯރިޓީ ޕާޓީއަކަށް ޕީ.އެން.ސީ ވެއްޖެއެވެ. 

މިރޭ ރައީސުލްޖުމްހޫރިއްޔާ ބައިވެރިވެ ވަޑައިގަތް ބޮޑު ޖަލްސާގައި ޕީ.އެން.ސީއާ ގުޅިވަޑައިގަތް މަޖިލިސް މެމްބަރުންނަކީ: 

• ކޮމަންޑޫ ދާއިރާގެ މެންބަރު މުހައްމަދު ރާޝިދު
• ކަނޑިތީމު ދާއިރާގެ މެންބަރު އަބްދުﷲ ޝަހީމް އަބްދުލްހަކީމް
• ކުރެންދޫ ދާއިރާގެ މެންބަރު އަބްދުލްޣަނީ އަބްދުލްޙަކީމް
• މާފަންނު ދެކުނު ދާއިރާގެ މެންބަރު އާދަމް އަލީ
• މައްޗަށްގޮޅި ދެކުނު ދާއިރާގެ މެންބަރު އަހްމަދު ހައިތަމް
• ގުރައިދޫ ދާއިރާގެ މެންބަރު އިބްރާހީމް ޝާޒް
• މަތިވެރި ދާއިރާގެ މެންބަރު ޙަސަން ޒަރީރު
• ތޮއްޑޫ ދާއިރާގެ މެންބަރު ހަސަން ޝިޔާން
• މުލަކު ދާއިރާގެ މެންބަރު އިބްރާހީމް ނަސީރު
• ނިލަންދޫ ދާއިރާ މެންބަރު އަބްދުލްމުޙުސިން ހަމީދު
• އިސްދޫ ދާއިރާގެ މެންބަރު އަލީ ހަމީދު
• ފޭދޫ ދާއިރާގެ މެންބަރު މުހައްމަދު ނިހާދު
• މަރަދޫ ދާއިރާގެ މެންބަރު އިބްރާހީމް ޝަރީފް

މިރެޔާ ހަމައަށް މަޖިލީހުގައި މެމްބަރުން ޕާޓީއަށް ނިސްބަތްވާ ގޮތުން އެމް.ޑީ.ޕީގެ 56 މެމްބަރުން ތިއްބެވިއެވެ. މައިނޯރިޓީ ޕާޓީއަކީ 13 މެމްބަރުންނާއެކު ދަޑިމޮކްރެޓްސް އެވެ. ޕީ.އެން.ސީ، ޕީ.ޕީ.އެމް، އެމް.ޑީ.އޭ، އަދި ޖޭ.ޕީ މިއިން ކޮންމެ ޕާޓީއެއްގައި 2 މެމްބަރުންނެވެ. ދެންތިއްބެވި 3 މެމްބަރުންނަކީ ވަކި ޕާޓީއަކަށް ނިސްބަތްނުވާ މެމްބަރުންނެވެ. އެމް.އެން.ޕީގެ ދެ މެމްބަރުން ހިމެނެނީ މި 3 މެމްބަރުންގެ ތެރޭގައެވެ. 

މިރޭ ސިޔާސީ މައިދާނަށް އައި ބަދަލާއެކު އެމްޑީޕީގެ މަޖިލިސް މެމްބަރުންގެ އަދަދު 44 އަށް ދަށްވާނެއެވެ. ހަމައެއާއެކު ދަޑިމޮކްރެޓްސްގެ 13 މެމްބަރުންނަށްވުރެ ޕީ.އެން.ސީގެ މެމްބަރުން އިތުރުވުމުގެ ސަބަބުން މަޖިލީހުގެ މައިނޯރިޓީ ޕާޓީގެ ގޮތުގައި ދެން އޮންނާނީ ޕީ.އެން.ސީއެވެ. 

މިރޭގެ ބަދަލަށްފަހު މިހާރު މަޖިލީހުގައި މެންބަރުން ނިސްބަތްވާ ޕާޓީތައް

• އެމްޑީޕީ - 44 މެންބަރުން
• ދަ ޑިމޮކްރެޓްސް - 13 މެންބަރުން
• ޕީއެންސީ - 15 މެންބަރުން
• ޕީޕީއެމް - 2 މެންބަރުން
• އެމްޑީއޭ - 2 މެންބަރުން
• ޖޭޕީ - 2 މެންބަރުން
• ވަކި ޕާޓީއަކަށް ނިސްބަތްނުވާ - 3 މެންބަރުން 

މި ބަދަލާއެކު މަޖިލީހުގައި ހައްދުންމަތި ތަމްސީލުކުރާ ހަތަރު ދާއިރާގެ ތެރެއިން ޕީ.އެން.ސީއަށް ތާއީދު ނުކުރާ މެމްބަރަކަށްހުރީ ހަމައެކަނި ގަމު ދާއިރާގެ މެމްބަރެވެ.