އާ ސަރުކާރުން ތެލުގެ އަގުހެޔޮ ކޮށްފި

އާ ސަރުކާރުން ފުރަތަމަ ފަހަރަށް ތެލުގެ އަގު ހެޔޮކޮށްފިއެވެ.

ދުނިޔޭގެ ބާޒާރުގައި ތެލުގެ އަގު ހެޔޮވުމާ ގުޅިގެން، ރާއްޖެއަށް ތެޔޮ އެތެރެކޮށް ވިއްކާ ސަރުކާރުގެ ކުންފުނި އެސްޓީއޯއިން މިއަދުން ފެށިގެން ތެލުގެ އަގު ހެޔޮކޮށްފައިމިވަނީ ޕެޓްރޯލް ލީޓަރަކުން 40 ލާރި އަދި ޑީސަލް ލީޓަރަަކުން 45 ލާރިއެވެ. އެހެންކަމުން މިހާރު އެސްޓީއޯ އިން ޕެޓްރޯލް ލީޓަރެއް ވިއްކަނީ 14.33ރ. އަށެވެ. އަދި ޑީސަލް ލީޓަރެއް 14.62ރ. އަށެވެ. 

މިއީ މި އަހަރު ތެރޭގައި އެސްޓީއޯއިން ޕެޓްރޯލާއި ޑީސަލްގެ އަގަށް ބަދަލު ގެނައި ތިން ވަނަ ފަހަރެވެ. ތެލުގެ އަގަށް ގެންނަ ބަދަލާ ގުޅިގެން ހައްދުންމަތީގެ ގިނަ ރަށްރަށުގައި ތެޔޮ ވިއްކާ ފަރާތްތަކުން އެދެވޭ ބަދަލުތަކެއް ގެނައި ނަމަވެސް ގަމުގައި ތެޔޮ ވިއްކާ ފަރާތްތަކުން އެކަށީގެންވާ ހެޔޮ ބަދަލެއް ނުގެންނަ ކަމުގެ ޝަކުވާ ގަމުގެ ރައްޔިތުން ކުރެއެވެ، ގަމާ ގުޅިފައިވާ ފޮނަދޫގައި މިހާރުވެސް 18 އަށް ޕެޓްރޯލް ލީޓަރެއް ވިއްކާއިރު ގަމުގެ ޕެޓްރޯލް ޝެޑްތަކުން ވިއްކަނީ މާބޮޑުކޮށެވެ.