އަވަސްޚަބަރު: ސްޓޭޓް މިނިސްޓަރުކަމަށް ކުރީގެ ގަމުދާއިރާގެ މެމްބަރު ޔޫސުފް ޢަބުދުލްޣަފޫރު (ޔޫސޭ) އައްޔަނުކުރައްވައިފި

 

ސްޓޭޓް މިނިސްޓަރުކަމަށް ކުރީގެ ގަމުދާއިރާގެ މެމްބަރު އަލްއުސްތާޛު ޔޫސުފް ޢަބުދުލްޣަފޫރު (ޔޫސޭ) އައްޔަނުކުރައްވައިފިއެވެ. 

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސަރުކާރުގައި އަލްއުސްތާޛު ޔޫސުފް ޢަބްދުލްޣަފޫރު އައްޔަނު ކުރައްވާފައި މިވަނީ މިނިސްޓަރ އޮފް ސްޓޭޓް ފޮރ ހޯމްލޭންޑް ސެކިއުރިޓީ އެންޑް ޓެކްނޯލޮޖީގެ މަޤާާމަށެވެ. 

ޔޫސުފް ޢަބުދުލްޣަފޫރަކީ ވޯކީޓޯކީ އޮޕަރޭޓަރެއްގެ މަޤާމުން ސަރުކާރުގެ ޚިދުމަތް ފެއްޓެވި ބޭފުޅެކެވެ. ގަމު އޮފީހުގެ ތަފާތު މަޤާމުތައް ފުރުއްވުމަށްފަހު ޔޫސޭވަނީ ގަމު ދާއިރާގެ ރައްޔިތުންގެ މަޖިލީހުގެ މެމްބަރުކަން ކުރައްވާފައެވެ. ރައީސް ޔާމީންގެ ސަރުކާރުގައި އޭނާ ހުންނެވީ މިނިސްޓަރ އޮފް ހޯމް އެފެއަރޒްގެ ނައިބަކަށެވެ. 

ހައްދުންމަތީ ގަމުގެ ޢިލްމީ ދަންމަރު މިޒަމާނަށް ފޯރުކޮށްދިނުމުގައި މުހިންމު ދައުރެއް އަދާކޮށްފައިވާ މަތިމަރަދޫ ވަލުގެޔަށް ނިސްބަތްވާ ޔޫސޭ ވަނީ ވިލާކޮލެޖުން ބެޗެލަރ އޮފް ޝަރީޢާ އެންޑް ލޯ ޙާޞިލްކުރައްވާފައެވެ.  

މިސަރުކާރުގައި ހައްދުންމައްޗަށް ނިސްބަތްވާ 4 ބޭފުޅަކު ސްޓޭޓް މިނިސްޓަރުކަމަށް އައްޔަންކުރެއްވުމަކީ ސިޔާސީގޮތުން ހައްދުންމައްޗަށް ލިބުނު ބޮޑު ކުރިއެރުމެކެވެ.