އެއްބައިވަންތަކަމުގެ ރަމްޒެއްގެ ގޮތުން އިސްދޫން މުންޑޫއަށް ހަދިޔާއެއް

ސުނާމީ ކާރިސާގެ ހަނދާން އައުކުރުމަށް ފާހަގަކުރާ ޤައުމީ އެއްބައިވަންތަކަމުގެ ދުވަހާ ގުޅިގެން އިސްދޫގެ ރައްޔިތުންގެ ފަރާތުން މުންޑޫގެ ލޮބުވެތި ރައްޔިތުންނަށް ހަދިޔާފޮނުވައިފިއެވެ. 

2004 ޑިސެންބަރު 26 ވަނަ ދުވަހު ހެނދުނު މުންޑޫއަށް އެރީ ބޮޑު ރާޅެކެވެ. އެތައް ބަޔެއްގެ ނިޔައުވެ ވަކިވެ، ގެދޮރު ސުންނާފަތިވީ މި ހިތާމަވެރި ކާރިސާގެ ހަނދާން ފާހަގަކުރުމަށް މިއަދު ތިއްބާ ލަފައިލީ ފެރީން އެބޭލީ ހައްދުންމަތީގެ ޤަދީމީ އިސްރަށްކަމުގައިވާ އިސްދޫ ރައްޔިތުންގެ ފަރާތުން ފޮނުވި ހަދިޔާއެކެވެ.

 

އެއް ރަށުން އަނެއް ރަށަށް ކޭން ނުވަތަ ތަށިބަރި ނުވަތަ ހަދިޔާއެއް ފޮނުވުމުގެ ހަރަކާތަކީ އެހެން އަހަރުތަކާ ޚިލާފަށް މިއަހަރުގެ ޤައުމީ އެއްބައިވަންތަކަމުގެ ދުވަހުގައި ހިންގާ ހަރަކާތެކެވެ.

ސުނާމީ ކާރިސާގައި ލާމުން 25 މީހުން ނިޔައުވެފައިވާ އިރު އެންމެ ގިނަ ބަޔަކު ނިޔައުވީ މުންޑޫންނެވެ.