ލާމަސީލުލާމު ރަށު ކައުންސިލްތަކުގެ މަހާސިންތާ ބާއްވައިފި

ހައްދުންމަތީ އަތޮޅު ކައުންސިލުން ރާވައިގެން ކޮންމެ އަހަރަކު އެއްފަހަރު ބާއްވަމުން އަންނަ ލާމަސީލުލާމު ރަށު ކައުންސިލްތަކާއި, އަންހެނުންގެ ތަރައްޤީއަށް މަސައްކަތް ކުރާ ކޮމެޓީތަކުގެ މި އަހަރުގެ މަހާސިންތާ ލ. ފޮނަދޫގައި ބާއްވާއިފިއެވެ.

 

ނޮވެމްބަރ މަހުގެ 29ން 30ށް ލ. އަތޮޅު ތަޢުލީމީ މަރުކަޒުގެ ހޯލްގައި ކުރިޔަށް ގެންދެވުނު މި މަހާސިންތާއަކީ ހަތަރުވަނަ ދައުރުގެ އަތޮޅު ކައުންސިލުން ކޮންމެ އަހަރަކު ބާއްވަން ރާވައި ކުރިއަށްގެންދާ ސިލްސިލާއަށް އިތުރުވި ބޮޅެކެވެ. މި އަހަރުގެ މަހާސިންތާގައި ލ. އަތޮޅުގެ 11 ރަށުގެ ތެރެއިން 10 ރަށުން ޖުމްލަ 40 ބައިވެރީން ބައިވެރިވެފައި ވެއެވެ.

 

މަހާސިންތާގައި އަތޮޅުގެ ރަށު ކައުންސިލްތަކާއި, އަންހެނުންގެ ތަރައްޤީއަށް މަސައްކަތްކުރާ ކޮމެޓީތަކުން ވޭތުވެދިޔަ އަހަރު ކުރި މަސައްކަތާއި އަދި ކުރިޔަށް އޮތް އަހަރު ކުރަން ރާވާފައިވާ މަސައްކަތްތަކާ ބެހޭގޮތުންނާއި މި މަސައްކަތްތައް ކުރުމުގައި ދިމާވާ ގޮންޖެހުންތަކާ ބެހޭގޮތުން މަޝްވަރާކޮށް ހައްލު ހޯދުމަށް ވާހަކަ ދެކެވުނެވެ. މީގެ އިތުރުން ލާމަރުކަޒީ ނިޒާމުގެ މަަސައްކަތް އުފެދިގެން އައި ގޮތާއި, މިއަދާހަމައަށް ދިވެހިރާއްޖޭގައި މި ނިޒާމު ކުރިއަރާފައިވާ މިންވަރާއި, މި ނިޒާމުގެ ސަަބަބުން ރައްޔިތުންނަށް ލިބުނު ކުރިއެރުމުގެ މައްޗަށް ވާހަކަދެކެވުނެވެ.

މިފަހަރުގެ މަހާސިންތާގެ ސެޝަންތައް ނަންގަވައިދެއްވީ ލާމަރުކަޒީ ނިޒާމު ދިވެހިރާއްޖެއަށް ތަޢާރަފު ކުރުމަށް މަސައްކަތް ކުރެއްވި ފެސިލިޓޭޓަރ މުޙަންމަދު ޒާހިދާއި, އެލްޖީއޭގެ ޑިރެކްޓަރ މުޙަންމަދު ނަޞީރެވެ. އަދި ލ. އަތޮޅު ކައުންސިލްގެ ރައީސާއި, އިދާރީ މުވައްޒަފުންނެވެ.