ޅ.އަތޮޅު ކައުންސިލް ލާމަސީލު ލާމުން ތަޖުރިބާ ހޯދަނީ

Lh. Atholhu Council Laamaseelu Laamun Thajuribaa Hoadhanee

ފާދިއްފޮޅު އަތޮޅު ކައުންސިލްގެ ޓީމެއް ތަޖުރިބާ ހޯއްދެވުމަށް ހައްދުންމައްޗަށް ކުރައްވަމުން ގެންދަވާ ދަތުރުގައި އަތޮޅު ކައުންސިލްގެ ރައީސް އިސްމާޢީލް ޢަލީ އާއި އަތޮޅު ކައުންސިލްގެ އިސްވެރިންނާއެކު: ފޮޓޯ:ލ.އަތޮޅުކައުންސިލް

ޚަބަރު

ލިޔުނީ: ލާމުން

29 ނޮވެންބަރު 2023

ތަޖުރިބާ ހޯއްދެވުމުގެ ދަތުރެއްގައި ޅ.އަތޮޅު ކައުންސިލުގެ ޓީމެއް ލާމަށް ޒިޔާރަތްކުރައްވަމުން އެބަގެންދަވައެވެ.

ފާދިއްފޮޅު އަތޮޅު ކައުންސިލްގެ މިދަތުރުގައި ހައްދުންމަތީ އަތޮޅު ކައުންސިލްގެ އިދާރާއަށް ޒިޔާރަތްކުރައްވައި އަތޮޅުކައުންސިލްގެ ރައީސް އިސްމާޢީލް ޢަލީ އާއި އިސްމުވައްޒަފުންނާ ބައްދަލުކުރައްވާފައިވެއެވެ. މިބައްދަލުވުމުގައި ދެ ކައުންސިލްގެ މަސައްކަތް ތަކާ ގުޅޭގޮތުންނާއި، ލ.އަތޮޅު ކައުންސިލުން އެކިއެކި ދާއިރާތަކަށް އެހީތެރިވެދިނުމަށް ހިންގާ ޕްރޮގްރާމްތަކާގުޅޭ ގޮތުން މަޢުލޫމާތު ހިއްސާކުރެވުނުކަމަށް އަތޮޅު ކައުންސިލުން މައުލޫމާތު ދެއްވާފައިވެއެވެ.

ލ.އަތޮޅު ކައުންސިލް ރައީސާއި ޅ.އަތޮޅު ކައުންސިލްގެ ރައީސް. ފޮޓޯ:ލ.އަތޮޅުކައުންސިލް

ހައްދުންމަތީ އަތޮޅު ކައުންސިލަކީ "ލާމަސީލުލާމަކަށް" އަތޮޅު ބަދަލުކޮށްލުމަށްޓަކައި ގިނަގުނަ މަސައްކަތްތަކެއް ކުރައްވަމުން ގެންދަވާ ކައުންސިލެކެވެ. ނަތީޖާއެއްގެ ގޮތުން ލޯކަލްގަވަރމެންޓް އޮތޯރިޓީއިން ދޭ ކަންގަތި އެވޯޑުގައި މިދިޔަ އަހަރު ލާމުއަތޮޅު ކައުންސިލްވަނީ ފުރަތަމަ ފަހަރަށް މުޅި ރާއްޖެއިން 3 ވަނަ ހޯއްދަވާ ނަމޫނާ ކައުންސިލެއްކަން ސާބިތުކޮށްދީފައެވެ.