މަޖިލިސް މެމްބަރުންގެ މުސާރަ ލައްކައަކަށް

ރައްޔިތުންގެ މަޖިލީހުން އެމަޖިލީހުގެ މެމްބަރުންގެ މުސާރަ ލައްކައަކަށް ބޮޑުކުރަން ފާސްކޮށްފިއެވެ. 

މާލިއްޔަތު ކޮމިޓީން މިއަދު ފާސްކުރިގޮތުން، ކުރިން 80 ހާސް ރުފިޔާގެ މުސާރައެއް ލިބެމުންދިޔަ ރައްޔިތުންގެ މަޖިލީސް މެންބަރަކަށް މުސާރަ އާއި އިނާޔަތުގެ ގޮތުގައި މަހަކު 100،000 ރުފިޔާ ލިބޭނެއެވެ. 

މިއަދު އޮތް މާލިއްޔަތު ކޮމިޓީގައި އެންމެ ފުރަތަމަ ހުށަހެޅީ މުސާރައިގެ ގޮތުގައި 82،000ރ. މެންބަރުންނަށް ކަނޑައެޅުމަށެވެ. އެއީ އަސާސީ މުސާރައިގެ ގޮތުގައި 57،000ރ. އާއި ލިވިން އެލަވަންސް އާއެކު 82،000ރ. އެވެ. ނަމަވެސް ކޮމިޓީގެ މެންބަރުން އިތުރަށް މަޝްވަރާ ކުރުމަށްފަހު ފާސްކުރީ މެންބަރުންނަށް 80،000ރ. ގެ މުސާރައަކާއި ކޮމިޓީ އެލަވަންސްގެ ގޮތުގައި  20،000ރ. ގެ އެލަވަންސެއް ދޭގޮތަށެވެ. އެހެންކަމުން ޖުމްލަ މަހަކު 100،000ރ. ގެ މުސާރައެއް މެމްބަރުންނަށް ލިބިވަޑައިގަންނަވާނެ އެވެ.

ރައްޔިތުންގެ މަޖިލީހުގެ ޢިއްޒަތްތެރި މެމްބަރުންގެ މުސާރަ ބޮޑުކަމުގެ ޝަކުވާއަކީ ޢާންމު ރައްޔިތުން އަބަދުމެ ކުރާ ޝަކުވާއެކެވެ.