ކަންގަތި އެވޯޑު: މުޅިރާއްޖޭން 3 ވަނަ އަތޮޅު ކައުންސިލަކީ ލާމު އަތޮޅު ކައުންސިލް

ލޯކަލް ގަވަމެންޓް އޮތޯރިޓީ (އެލް.ޖީ.އޭ) އިން ރާއްޖޭގެ ކައުންސިލްތައް ދަރަޖަކުރާ މިންގަނޑުން މުޅިރާއްޖެއިން 3 ވަނަ އަތޮޅު ކައުންސިލަކަށް ލ.އަތޮޅު ކައުންސިލް ހޮވިއްޖެއެވެ. 

ވޭތުވެދިޔަ 2022 ވަނަ އަހަރު އަތޮޅު ކައުންސިލްތަކުން ކޮށްފައިވާ މަސައްކަތްތަކާއި ނެރުނު ނަތީޖާ މިންކުރުމުން މިކާމިޔާބީ ލ.އަތޮޅު ކައުންސިލަށް ލިބިފައިމިވަނީ 2021 ގައިވެސް ހަމަ މިނަތީޖާ ލިބިފައިވަނިކޮށެވެ.

މިދިޔަ އަހަރު މުޅި ރާއްޖޭން އެއްވަނަ އަތޮޅު ކައުންސިލަކަށް ހޮވުނީ ނިލަންދެ އަތޮޅު އުތުރުބުރީ (ފ.އަތޮޅު) ކައުންސިލެވެ. އެ ކައުންސިލަކީ 2021 ވަނަ އަހަރުގެ ދެވަނަ ކައުންސިލެވެ. މުޅި ރާއްޖޭން ދެވަނަ އަތޮޅު ކައުންސިލަކަށް ހޮވިފައިވަނީ މާޅޮސް މަޑުލު ދެކުނުބުރީ އަތޮޅު ކައުންސިލެވެ. 

ހައްދުންމަތީ ކައުންސިލުގެ މި ނަތީޖާއަށްޓަކައި ކައުންސިލްގެ ރައީސާއި އެންމެހައި މެމްބަރުންނާއި ސެކްރެޓަރީ ޖެނެރަލާއި މުޅި ޓީމަށް "ލާމުން" އިޚުލާޞްތެރިކަމާއެކު ތަހުނިޔާ ދަންނަވަމެވެ.