ޕީ.އެން.ސީ ޕްރައިމަރީ ފަސްކޮށްފި

ޕްރޮގްރެސިވް ކޮންގްރެސް ކޯލިޝަންގެ ޓިކެޓްގައި ވާދަކުރާ ފަރާތްތައް ކަނޑައެޅުމަށް ބާއްވާ ޕްރައިމަރީ ފަސްކޮށްފިއެވެ.

ކުރިން ޑިސެމްބަރު 23 ވަނަ ދުވަހުގައި ބާއްވަން ހަމަޖައްސާފައި އޮތް  ޕްރައިމަރީ ބާއްވަން މިހާރު ހަމަޖެހިފައިވަނީ އަންނަ ޖެނުއަރީ މަހުގެ 20 ވަނަ ދުވަހުގައެވެ. އެ ޕާޓީން ބުނެފައިވަނީ ޕްރައިމަރީ ފަސްކުރަންޖެހުނީ ޕްރައިމަރީގައި ވާދަކުރާ ކެންޑިޑޭޓުންގެ ތެރެއިން ގިނަ ކެންޑިޑޭޓުންނާއި ކޯލިޝަންގެ އާންމު މެންބަރުންގެ އެދުމުގެ މަތިންކަމަށެވެ. އެގޮތަށް އެދިފައިވާ ސަބަބުތަކަކީ ޕްރައިމަރީ ބާއްވަން ނިންމި ތާރީހަކީ ސްކޫލް ބަންދު ދުވަސްވަރަށްވެފައި، ގިނަ އަދަދެއްގެ ރައްޔިތުން އެކިއެކި ބޭނުމަށާއި، ޢުމްރާއަށް ގައުމުން ބޭރަށް ދަތުރު ކުރުމަށް ހަމަޖެހިފައިވާކަމެވެ. 

މިބަދަލާއެކު ކެންޑިޑޭޓުންނަށް ތާޢީދުހޯދުމަށް ކެމްޕޭނުކުރުމަށް އެކަށީގެންވާ ވަގުތު ލިބިގެންދާނެއެވެ.