ސިޓީތަކާއި އިދާރީ ދާއިރާތައް ހިންގުމާއި، އާންމު މަސައްކަތްތަކާ ބެހޭ ވުޒާރާގެ ޕާމަނަންޓް ސެކްރެޓަރީގެ މަޤާމަށް ހައްދުންމަތީގެ ޤާބިލްދަރިއެއް

ސިޓީތަކާއި އިދާރީ ދާއިރާތައް ހިންގުމާއި، އާންމު މަސައްކަތްތަކާ ބެހޭ ވުޒާރާގެ ޕާމަނަންޓް ސެކްރެޓަރީގެ މަޤާމަށް, ހައްދުންމަތީގެ ޤާބިލު ދަރިއެއްކަމުގައިވާ ހައްދުންމަތީ މާބައިދޫ ދަކަނދާމާގޭ އަލްފާޟިލް އަބްދުالله ރަޝީދު އައްޔަންކުރައްވައިފިއެވެ.

އަބްދުالله ރަޝީދުގެ ޚިދުމަތް މިހާތަނަށް ލިބެމުންދިޔައީ ތަޢުލީމީ ދާޢިރާގައެވެ. އަލްފާޟިލް އަބްދުالله ރަޝީދު އެންމެފަހުން ހުންނެވީ ހުރަވީ ސްކޫލުގެ ޕްރިންސިޕަލްގެ މަޤާމުގައެވެ. ވިލިމާލޭގައި ހުންނަ މުހްޔިއްދީން ސްކޫލާއި އަތޮޅު ތެރޭގެ ބައެއް ސްކޫލުތަކުގެ ޕްރިންސިޕަލްކަންވެސް އަބްދުالله ރަޝީދު އަދާކުރައްވާފައިވެއެވެ.

ޕާމަނަންޓް ސެކްރެޓަރީއެއްގެ އަސާސީ މުސާރައަކީ މަހަކު 20،500ރ. އެވެ. އޭގެ އިތުރުން ލިބޭ 15،000ރ. ގެ ލިވިން އެލަވަންސްއާއެކު އެ މަގާމު އަދާކުރައްވާ ފަރާތްތަކަށް މަހަކު މަދުވެގެން 35،500ރ. ލިބޭނެ އެވެ.