ގޯލްޑަން ފުޓްސަލް ޗެލެންޖުގައި ހިތަދޫން ބައިވެރިވަނީ ބީޖީއެސްސީ

މުޅި ރާއްޖެއަށް ހުޅުވާލައިގެން ބާއްވާ ގޯލްޑަން ފުޓްސަލް ޗެލެންޖުގައި ހިތަދޫން ޓީމެއް ބައިވެރިވާގޮތަށް ހަމަޖެހިއްޖެއެވެ. ހިތަދޫން މިމުބާރާތުގައި ބައިވެރިވަނީ އެރަށުގެ ކުޅިވަރު ކުލަބެއް ކަމުގައިވާ ބްރޭވް ޖެނެރޭޝަން ސްޕޯޓްސް ކްލަބް - ބީޖީއެސްސީގެ ޓީމެކެވެ.

ބީޖީއެސްސީއަކީ ހިތަދޫގެ ކުޅިވަރުގެ ދަނޑުގައި ވަރަށް ފާހަގަކޮށްލެވޭ ކުލަބެކެވެ. ދާދި ފަހުން ނިމުނު، ހިތަދޫ ކައުންސިލުގެ 2 ވަނަ ވޮލީބޯޅަ މުބާރާތް ހިންގީވެސް ބީޖީއެސްސީ އިންނެވެ. 

ރާއްޖޭގެ ރަށްތަކަށާއި ސިޓީތަކަށް އަމާޒުކޮށްގެން ބާއްވާ އެންމެ ބޮޑު ފުޓްސަލް މުބާރާތުގެ މެޗްތައް ކުޅުމަށް ހަމަޖެހިފައިވަނީ ހުޅުމާލޭ ރެހެންދި ފުޓްސަލް ދަނޑުގައެވެ. މީހުން ދިރިއުޅޭ ކޮންމެ ރަށަކުން އެއް ޓީމު ބައިވެރި ކުރެވޭގޮތަށް އޮންނަ ގޯލްޑަން ފުޓްސަލް މުބާރާތުގައި އަތޮޅު ބުރާއި، ޒޯން ބުރުގެ އިތުރުން ނޮކްއައުޓް ބުރެއް ހިމެނޭނެއެވެ. އަތޮޅު ބުރަށް ފަހު ޒޯން ބުރަށް ޓީމުތައް ކޮލިފައިވާއިރު، ނޮކްއައުޓް ބުރުން ޖާގަ ލިބިގެންދާނީ ކަނޑައެޅިފައިވާ 8 ޒޯނުގެ ޗެމްޕިއަނުންނަށާއި ރަނަރަޕް ޓީމުތަކަށެވެ. 

މިހާތަނަށް ގޯލްޑަން ފުޓްސަލް ޗެލެންޖުގެ ހަތް މުބާރާތެއް ބާއްވާފައިވާއިރު އެންމެ ފަހުގެ ޗެމްޕިއަނުންނަކީ ހައްދުންމަތީ ގަމެވެ.