ލ.ގަން އަތުން މާވަށް ބަލިވި އިރު ކަލައިދޫ އާއި ކުޅެ މާބައިދޫ އަށް ބޮޑު މޮޅެއް

ގޯލްޑަން ފުޓްސަލް ޗެލެންޖް 2024 ގެ ރޭގައި ކުޅެވުން ލާމު އަތޮޅު ބުރުގެ 2 މެޗު ގަން އަދި މާބައިދޫ ކާމިޔާބު ކޮށްފިއެވެ.

ރެހެންދީ ފުޓްސަލް ދަނޑުގައި ރޭގައި ކުރިއަށް ދިޔަ ލާމު އަތޮޅު ބުރުގެ 3 ވަނަ މެޗުގައި ބައްދަލު ކޮށްފައި ވަނީ ގަން އަދި މާވަށެވެ. މި ދެ ޓީމު ވާދަ ކުރި މެޗު 0-2 ގެ ނަތީޖާ އަކުން ކާމިޔާބު ކޮށްފައި ވަނީ ގަން ފުޓްސަލް ޓީމެވެ. ގަމު ޓީމަށް އެ ޓީމުގެ ލަނޑު ތައް ޖަހައިދީފައި ވަނީ އެ ޓީމުގެ ޖާޒީ ނަންބަރު 17، ޒައިދާން އަބްދުالله އަދި ޖާޒީ ނަންބަރު 7، އަޙްމަދް ހަލީމް އެވެ. މާވަށު ޓީމައް މި މެޗުގައި ލަނޑެއް ޖެހިފައި ނުވާ އިރު މި މެޗުގެ މޭން އޮފް ދަ މެޗް ކަން ލިބިފައި ވަނީ ގަމު ޓީމުގެ ޖާޒީ ނަންބަރު 8، ޢަލީ ޝާމިސް އަށެވެ.

ގަން އަދި މާވަށް ބައްދަލު ކުރި މެޗުގެ މޮޅު ކުޅުންތެރިއާ. ފޮޓޯ: ގޯލްޑަން ފުޓްސަަލް އެސޯސިއެޝަން، ސޯޝަލް މީޑިއާ

އަތޮޅު ބުރުގެ 4 ވަނަ މެޗުގައި މާބައިދޫ އަދި ކަލައިދޫ ބައްދަލު ކޮށްފައިވާއިރު މި މެޗު ތަފާތު ބޮޑު ނަތީޖާ އަކުން ކާމިޔާބުކޮށްފައި ވަނީ މާބައިދޫ ޓީމުންނެވެ. މާބައިދޫ އިން މެޗު ކާމިޔާބު ކޮށްފައި ވަނީ 0-4 ގެ ނަތީޖާ އަކުންނެވެ. މާބައިދު ޓީމުގެ ޖާޒީ ނަންބަރު 7، އަޙްމަދު ފިރާޝް އެ ޓީމަށް 2 ލަނޑު ކާމިޔާކޮށްދީފައިވާ އިރު އެ ޓީމުގެ 10 ނަންބަރު ހަސަން ނިމާލް ވަނީ 2 ލަނޑު ކާމިޔާބު ކޮށްދީފައެވެ. މި މެޗުގެ މޮޅު ކުޅުންތެރި އަކަށް ހޮވިފައިވަނީ މާބައިދޫ ޓީމުފެ ޖާޒީ ނަންބަރު 07، ހުސެއިން ނިހާން އެވެ.

މާބައިދޫ އަދި ކަލައިދޫ ބައްދަލު ކުރި މެޗުގެ މޮޅު ކުޅުންތެރިއާ. ފޮޓޯ: ގޯލްޑަން ފުޓްސަަލް އެސޯސިއެޝަން، ސޯޝަލް މީޑިއާ

މުބާރާތުގައި ދެން ލާމު އަތޮޅުގެ ޓީމު ތަށް މެޗެއް ކުޅުމަށް ހަމަ ޖެހިފައި ވަނީ 26 ވަނަ ދުވަހުގައެވެ. އެދުވަހު ގަން އަދި ކަލައިދޫ ފުރަތަމަ މެޗުގައި ވާދަ ކުރާއިރު ދެވަނަ މެޗުގައި ދަނބިދޫ އަދި މާވަށް ބައްދަލު ކުރުމަށް ވަނީ ހަމަ ޖެހިފައެވެ.