ލާމަސީލު ލާމު ސުކޫލްތަކުގެ ފުޓްބޯޅަ މުބާރާތް މިއަދު ފަށަނީ: ފުރަތަމަ ދުވަހު ފޯރިގަދަ މެޗްތަކެއް

ލާމަސީލު ލާމު އިންޓަރސްކޫލް ފުޓްބޯޅަ މުބާރާތް މިއަދު ފެށޭނެއެވެ. މިއީ ލ.އަތޮޅުގެ ސްކޫލްތަކަށް އަމާޒުކޮށްގެން ހައްދުންމަތީ ކައުންސިލުން އިންތިޒާމުކުރާ މިފަދަ 34 ވަނަ މުބާރާތެވެ. މިމުބާރާތުގައި ހައްދުންމަތީގެ 9 ސްކޫލަކުން ބައިވެރިވެފައިވެއެވެ. 

މުބާރާތް ހުޅުުވޭ މެޗްގައި މިއަދު ހަވީރު 4:15 ގައި ބައްދަލުކުރާނީ އެންމެ ފަހުގެ ޗެމްޕިއަން ލާމު އަތޮޅު މަދަރުސާގެ ޓީމާއި ފުރަތަމަ މުބާރާތުގެ ރަނަރަޕު  ޙަމަދު ސްކޫލްގެ ޓީމެވެ. ދެޓީީމުންވެސް ވަނީ ދުރާލާ މުބާރާތަށް ތައްޔާރުވެފައެވެ.

ލާމަސީލު ލާމު އިންޓަރސްކޫލް ފުޓްބޯޅަ މުބާރާތް 2022 ގެ ތެރެއިން

ގަމު ޒޯން ސްޓޭޑިއަމްގައި ކުޅޭ މިމުބާރާތުގައި މިރޭ ކުޅުމަށް ހަމަޖެހިފައިވާ މެޗްތައްވެސް ވަރަށް ފޯރިގަދަ ވާނެކަމަށް ބެލެވެއެވެ. އެއީ މިރޭ 8 ޖަހާއިރު މާވަށު ސްކޫލާއި މާމެންދޫ ސްކޫލް ބައްދަލުކުރާ މެޗާއި މިރޭ 9:30ގައި ލ.އަތޮޅު ތަޢުލީމީ މަރުކަޒާއި ދަނބިދޫ ސްކޫލް ބައްދަލުކުރާ މެޗެވެ. 

ލ.އަތޮޅު ކައުންސިލުން އިންތިޒާމުކޮށްގެން 2015 ވަނަ އަހަރުގައި ބާއްވަން ފެށި މި މިމުބާރާތް 2016 ގައި  ބޭއްވުމަށްފަހު މެދުކެނޑިފައި އޮއްވާ އަލުން ފެށީ މިދިޔަ އަހަރުގައެވެ. ލާމަސީލު ލާމު އިންޓަރސްކޫލް ފުޓްބޯޅަ މުބާރާތުގެ ނަމުގައެވެ.